اسلام آباد:وزیراعظم کی ہدایت پر انسانی اسمگلنگ میں ملوث پاکستانیوں کی فہرست تیار کر لی گئی۔ فہرست میں 160فعال انسانی اسمگلرز کے نام اور پتے شامل ہیں۔
فعال انسانی اسمگلرز میں سے 39کا تعلق پنجاب، 34کا تعلق سندھ ہے۔خیبرپختونخوا میں 50، بلوچستان 31اور اسلام آباد میں 6 اسمگلرز متحرک ہیں، 5اسمگلروں کے نام پاسپورٹ کنٹرول لسٹ اور پی این آئی ایل میں ڈال دیے گئے۔
حساس اداورں کی رپورٹ کے مطابق یہ اسمگلرز پاکستان اور دوسرے ممالک سے انسانی اسمگلنگ میں ملوث ہیں، 4اسمگلرز اس وقت پاکستان، 3لیبیا، ایک انگلینڈ اور ایک یو اے ای میں موجود ہے۔
رپورٹ کے مطابق 6انسانی اسمگلرز کی حالیہ لوکیشن کا ابھی تک معلوم نہیں ہو سکا، تمام اسمگلرز کے بینک اکاؤنٹس منجمد، پاسپورٹ اور شناختی کارڈ بھی بلاک کر دیے گئے۔
