شام کے صدر احمد الشرع نے شام کے ساحلی شہر لاذقیہ کا دورہ کیا جہاں ان کا شاندار استقبال کیا گیا۔
عرب میڈیا کے مطابق لاذقیہ پہنچے پر ہزاروں افراد نے شیخ ظاہر اسکوائر پر شامی صدر کے حق میں نعرے بازی کی جبکہ بعض چاہنے والوں نے انہیں کاندھوں پر اٹھا لیا۔
غیرملکی خبر رساں ادارے کے مطابق احمد الشرع کا لاذقیہ گورنری کا دورہ انتہائی اہمیت کا حامل ہے کیونکہ یہ شام کے سابق صدر حافظ الاسد اور ان کے بیٹے بشارالاسد کا گڑھ ہے۔
مذہب پرفخر،کامریڈز کی طرح لڑتے ہیں،فوج کبھی نہیں ہارے گی،آرمی چیف
ذرائع کے مطابق احمد الشرع ادلب گورنریٹ سے حلب ، لاذقیہ کے راستے آتے ہوئے شہر پہنچے۔ یہ راستہ 2013ء سے مسلح گروپوں کی جانب سے جنوب مغربی ادلب کے دیہی علاقوں پر قبضے کے بعد بند کر دیا گیا تھا۔
یاد رہے کہ ماضی میں روس نے بھی اس سڑک کو کھولنے کی کوشش کی لیکن ناکام رہا تھا۔
اپنے پہلے دورے میں شامی صدر احمد الشرع نے حلب اور ادلب گورنریٹس کا دورہ کیا اور دونوں گورنریٹس اور کیمپ کے رہائشیوں سے ملاقات کی۔
مبصرین کے مطابق عبوری حکومت کے قیام کے بعد دنیا بھر سے شام کے سیاسی و سفارتی تعلقات میں بہتری آرہی ہے جبکہ ملک کے طول و عرض میں امن قائم ہوچکا ہے۔
