کہوٹہ: سربراہ عوام پاکستان پارٹی شاہد خاقان عباسی نے کہا ہے کہ 2018 کے انتخابات میں چوری ہوئی اور2024 میں ڈکیتی ہوئی۔
کہوٹہ میں ظہرانہ سے خطاب کرتے ہوئے شاہد خاقان عباسی کا کہنا تھا کہ ملک کی بدقسمتی ہے کہ آج پارلیمان میں موجود دو تہائی ارکان اسمبلی پیسے دے کر ایوان میں پہنچے ہیں ۔انہوں نے کہا کہ یہ 24 کروڑ عوام کا ملک ہے، اس طرح کام نہیں چلے گا، مجھے 3 بڑی سیاسی جماعتوں سے بہتری کی کوئی امید نہیں، سیاست اصولوں اور آئین کے مطابق کرنا ہوگی ورنہ ملک آگے نہیں بڑھے گا۔
سربراہ عوام پاکستان کا کہنا تھا کہ آج جس قسم کی ملک میں کرپشن ہے،ماضی میں اس کی کوئی مثال نہیں ملتی، جب تک سیاسی،ملک اس طرح بالکل نہیں چل سکتا، ملک میں انتشار ہو تو معیشت بہتر نہیں ہو سکتی۔شاہد خاقان عباسی نے کہا کہ مسلم لیگ ن نے جب تک ووٹ کو عزت دو کا نعرہ لگاتی رہی عوام میں مقبول جماعت رہی، مسلم لیگ ن کا اقتدار کو عزت دو کا نعرہ عوام نے مسترد کردیا۔
الیکشن2018 میں چوری، 2024 میں ڈکیتی ہوئی، شاہد خاقان
