بجلی چوروں سے اب تک کتنے ارب روپے وصول کیے گئے؟

اسلام آباد :انسداد بجلی چوری مہم کے دوران بجلی چوروں سے اب تک 146ارب روپے سے زائد وصول کرلیے گئے۔
ملک بھر سے مجموعی طور پر ایک لاکھ 15ہزار بجلی چوروں کو گرفتار کرلیا گیا۔جاری اعداد وشمار کے مطابق اب تک مجموعی طور پر ایک لاکھ 15ہزار سے زائد بجلی چوروں کے خلاف سخت کریک ڈائون کے نتیجے میں اب تک 146ارب 6کروڑ روپے سے زائد وصول کرلیے گئے۔
گزشتہ ہفتے ملک بھر سے بجلی چوروں سے 97کڑور سے زائد رقم وصول کیے گئے، گزشتہ ہفتے کے دوران 174بجلی چور گرفتار کرلیے گئے۔ متعلقہ ادارے ملک بھر سے بجلی چوروں کے مکمل خاتمے تک اپنی کاروائیاں جاری رکھنے کے لیے پرعزم ہیں۔