امریکی وزیرِ خارجہ مارکو روبیو فروری کے وسط میں اسرائیل اور عرب ریاستوں کا دورہ کریں گے۔
غیر ملکی میڈیا کے مطابق امریکی وزیرِ خارجہ مارکو روبیو 13 سے 18 فروری تک میونخ سیکیورٹی کانفرنس میں شرکت کے علاوہ اسرائیل، متحدہ عرب امارات، قطر اور سعودی عرب کا دورہ کریں گے۔
واضح رہے کہ غزہ پر قبضے کے امریکی صدر ڈونلڈ ٹرمپ کے بیان کے بعد امریکی وزیرِ خارجہ کا مشرقِ وسطیٰ کا یہ پہلا دورہ ہو گا۔
مبصرین کے مطابق شام میں نئی حکومت کے قیام اور غزہ میں جنگ بندی کے بعد خطے کی بدلتی صورت حال کے پیش نظر اس دورے کو انتہائی اہم سمجھا جارہا ہے۔
