ٹرمپ کا ڈینش وزیر اعظم کو فون ،بڑی دھمکیاں دے دیں

واشنگٹن: امریکی صدر ڈونلڈ ٹرمپ اور وزیراعظم ڈنمارک میٹے فریڈرکسن کے درمیان ٹیلی فونک رابطہ ہوا جس میں ٹرمپ نے ایک بار پھر گرین لینڈ امریکا کو بیچنے پر زور دیا۔میڈیا رپورٹوں کے مطابق فون کال کے دوران امریکی صدر کا انداز جارحانہ تھا۔ ڈونلڈ ٹرمپ نے ڈنمارک کے انکار پر سخت الفاظ استعمال کیے۔امریکی صدر نے ٹیلی فونک رابطے کے دوران ٹارگیٹڈ ٹیرف سمیت مخصوص اقتصادی اقدامات کی دھمکیاں بھی دیں۔ ٹرمپ نے اس پر زور دیا کہ وہ گرین لینڈ کے حوالے سے اپنے موقف میں سنجیدہ ہیں۔ڈنمارک اور گرین لینڈ کے حکام ٹرمپ کو پہلے ہی واضح طور پر کہہ چکے ہیں کہ گرین لینڈ فروخت کے لیے نہیں ہے، گرین لینڈ پر قبضے کے ڈونلڈ ٹرمپ کے فیصلے نے دونوں ممالک کے شہریوں کو تشویش میں مبتلا کر دیا ہے۔