ترکیہ کے صدررجب طیب اردوان آئندہ ماہ پاکستان کا دورہ کریں گے۔
یہ دورہ دونوں ممالک کے تعلقات کو مزید مضبوط بنانے کے عزم کا اظہار ہے۔
سرکاری ذرائع کے مطابق ترک صدر کے اس دورے کے دوران مختلف شعبوں میں تعاون کے معاہدوں پر دستخط متوقع ہیں، جن میں تجارت، دفاع، تعلیم اور ثقافت شامل ہیں۔ دونوں ممالک کے رہنما عالمی اور علاقائی امور پر بات چیت کریں گے اور باہمی دلچسپی کے معاملات پر مشترکہ حکمتِ عملی طے کریں گے۔
یہ دورہ پاکستان اور ترکی کے مابین تاریخی اور برادرانہ تعلقات کی مضبوطی کے لیے ایک اہم سنگ میل سمجھا جا رہا ہے۔ دونوں ممالک کے عوام اس دورے کو دوطرفہ تعلقات کے نئے دور کے آغاز کے طور پر دیکھ رہے ہیں۔
