گیس بندش سے ستائے کراچی کے شہری مہنگی ایل پی جی کو ترجیح کیوں دینے لگے ؟

کراچی : گیس نہیں آرہی مگر بل وقت پر آرہا ہے گیس بندش سے ستائے کراچی کے شہری مہنگی ایل پی جی کو ترجیح دینے لگے ہیں۔ شہر قائد میں گیس بلوں کے ستائے شہریوں نے ایل پی جی استعمال کرنا شروع کر دی ہے ، شہریوں کے مطابق گیس نہ آنے کے باوجود 3ہزار کا بل آجاتا ہے ،اس سے بہتر تو مہنگی ایل پی جی ہے کھانا تو بن جاتا ہے۔ ایل پی جی سرکاری قیمت سے 40روپے مہنگی فروخت ہو رہی ہے ،مختلف علاقوں میں 280سے 290روپے کلو میں ملتی ہے ،ایل پی جی کی سرکاری قیمت 251روپے کلو ہے، شہریوں کا کہنا ہے کہ گیس نہ آنے کے باوجود بھی 3ہزار کا بل آجاتا ہے ،اس سے بہتر تو مہنگی ایل پی جی ہے کھانا تو بن جاتا ہے ۔شہریوں کو کہنا ہے کہ مارکیٹ میں مہنگی ایل پی جی کی فروخت حکومت کی نا اہلی ہے ،صبح اٹھنے کے ساتھ ہی گیس پانی سمیت ہر طرح کی مشکلات کا سامنا کرنا پڑتا ہے،ایک دیہاڑی دار 300کی ایل پی جی ڈلوائے گا تو باقی اخراجات کیسے پورے ہوں گے ۔