کراچی:ایم کیو ایم کے رہنما فاروق ستار نے کہا ہے کہ ایک بار پھر سازش کے تحت ایم کیو ایم کو دیوار سے لگایا جارہا ہے۔
کراچی میں ایم کیو ایم کارکن کی نماز جنازہ کے بعد میڈیا سے گفتگو میں فاروق ستار نے کہا کہ ہمارے کارکن کو پْر رونق علاقے میں فائرنگ کر کے قتل کیا گیا۔
انہوں نے کہا کہ سرجانی اور ملیر کے کامیاب جلسوں کی وجہ سے مخالفین ڈر رہے ہیں، ایم کیو ایم مستحکم ہورہی ہے، ایم این اے کے فنڈز سے ترقیاتی کام ہورہے ہیں۔
فاروق ستار نے مطالبہ کیا کہ آئی جی سندھ اور وزیراعلیٰ مراد علی شاہ حاجی شہزاد کے قاتلوں کو گرفتار کرائیں۔قبل ازیں نیو کراچی سیکٹر 5 ای میں ایم کیو ایم کارکن حاجی شہزاد کی نماز جنازہ ادا کی گئی جس میں ایم کیو ایم رہنماؤں اور کارکنوں نے بڑی تعداد میں شرکت کی۔
