پشاور(اسلام ڈیجیٹل)خیبرپختونخوا میں سیکورٹی فورسز کے 3مختلف آپریشنز میں19خوارج ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق پشاور کے علاقے متنی میں انٹیلی جنس بیسڈ آپریشن میں 8 خوارج مارے گئے، ضلع مہمند کے علاقے بازئی میں بھی آپریشن کے دوران 8 خوارج ہلاک ہوئے۔
ترجمان پاک فوج کا کہنا ہے کہ ضلع کرک میں سیکورٹی فورسز سے جھڑپ میں 3 خوارج ہلاک ہوئے۔آئی ایس پی آر کے مطابق دہشت گردوں سے فائرنگ کے تبادلے میں 3 جوان شہید ہوئے، شہدا ء میں لانس حوالدار عباس علی، نائیک محمد نذیر اور نائیک محمد عثمان شامل ہیں۔
ترجمان پاک فوج کا کہنا ہے کہ ممکنہ خوارج کے خاتمے کے لیے علاقے میں کلیئرنس آپریشن جاری ہے، سیکورٹی فورسز دہشت گردی کے خاتمے کے لیے پرعزم ہیں۔ جوانوں کی قربانیاں ہمارے عزم کو مزید تقوت دیتی ہیں۔
