مختلف ممالک سے 24 گھنٹوں کے دوران 63 پاکستانیوں کوبے دخل کردیاگیا

کراچی (اسلام ڈیجیٹل):سعودی عرب، متحدہ عرب امارات، عراق اور ملائیشیا سے 24 گھنٹوں کے دوران 63 پاکستانیوں کو بے دخل کر دیا گیا۔
امیگریشن ذرائع کے مطابق سعودی عرب سے بلیک لسٹ اور بھکاری ہونے پر 15 پاکستانیوں کو بے دخل کیا گیا، سعودی عرب میں زائد المیعاد قیام پر 10 پاکستانیوں کو بے دخل کیاگیا جبکہ ممنوع تارکین وطن ہونے پر ملائیشیا سے 16 پاکستانیوں کو بے دخل کیا گیا۔
غیر قانونی داخلے اور زائد المیعاد قیام پر عراق سے 11 پاکستانی ڈی پورٹ کیے گئے ، عراق سے مسافروں کو ایمرجنسی پاسپورٹ پر پاکستان بھیجا گیا۔امیگریشن حکام کا کہنا ہے کہ یو اے ای سے 4 پاکستانیوں کو بے دخل کیا گیا۔حکام نے بتایا کہ کراچی ایئرپورٹ پر قانونی کارروائی کے بعد تمام بے دخل افراد کو گھروں کو روانہ کر دیا گیا۔