بھارتی ریاست چھتیس گڑھ میں باغیوں کا راج، حملے میں 10 سیکورٹی اہلکار ہلاک

نئی دہلی:بھارتی ریاست چھتیس گڑھ کے ضلع بیجاپور میں سیکورٹی اہلکاروں کی گاڑی پر ماؤ نواز باغیوں کے حملے میں 10 اہلکار ہلاک ہوگئے۔
غیر ملکی میڈیا کے مطابق ہلاک سیکورٹی اہلکار نارائن پور، دانتے واڈا اور بیجاپور میں آپریشن کے بعد واپس آرہے تھے۔پچھلے کئی دنوں سے چھتیس گڑھ میں سیکورٹی اہلکاروں اور ما ئو نواز باغیوں کے درمیان جھڑپیں جاری ہیں جس میں دونوں طرف سے لوگوں کی ہلاکت ہوئی۔
ذرائع کا کہناہے کہ بھارت کی بہت سی ریاستیں مودی سرکار کی انتہا پسند پالیسیوں سے تنگ ہیں جبکہ آئے روز فالس فلیگ آپریشنز کی آڑ میں بے گناہ لوگ جان سے جاتے ہیں۔چھتیس گڑھ میں ہونے والا حملہ بھی بھارت میں بگڑتی سیکورٹی صورتحال کی جانب اشارہ کرتا ہے۔