اسلام آباد(اسلام ڈیجیٹل) ملک میں رواں مالی سال کی پہلی ششماہی کے دوران سیمنٹ کی فروخت میں 10فیصد سے زائد کمی ہوگئی۔آل پاکستان سیمنٹ مینو فیکچررز ایسوسی ایشن (اے پی سی ایم اے) کے اعدادوشمار کے مطابق سیمنٹ کی قومی برآمدات میں رواں مالی سال کی پہلی ششماہی کے دوران 31.60فیصد اضافہ جبکہ مقامی فروخت میں 10.4فیصد کمی ہوئی ہے ۔
گزشتہ مالی سال میں جولائی تا دسمبر 2023کے دوران سیمنٹ کی برآمدات کا حجم 3.655ملین ٹن رہا تھا تاہم جاری مالی سال کے پہلے 6ماہ (جولائی تا دسمبر )024 2کے دوران برآمدات کا حجم 4.810ملین ٹن تک بڑھ گیا اس طرح گزشتہ مالی سال کے مقابلہ میں رواں مالی سال کی پہلی ششماہی میں سیمنٹ کی ملکی برآمدات میں 1.155ملین ٹن یعنی 31.60فیصد اضافہ ریکارڈ کیا گیا ۔
اے پی سی ایم اے کے مطابق گزشتہ مالی سال کی پہلی ششماہی کے مقابلہ میں رواں مالی سال کے اسی عرصہ کے دوران سیمنٹ کی مقامی فروخت 10.41فیصد کی کمی سے 20.228ملین ٹن کے مقابلہ میں 18.122ملین ٹن تک کم ہوگئیں۔
رواں مالی سال کی پہلی ششماہی میں سیمنٹ کی فروخت میں 10فیصد کمی ہوگئی
