کراچی میں مرغی 700روپے فی کلو تک پہنچ گئی،شہری انتظامیہ پر برہم

کراچی(اسلام ڈیجیٹل)کراچی میں مرغی کے گوشت کی قیمتوں میں ایک بار پھر اضافہ ہوگیاجس کے بعد مرغی کے گوشت کی قیمت700روپے فی کلو تک پہنچ گئی۔ بغیر ہڈی کے گوشت کی قیمت ایک ہزار روپے فی کلو ہو گئی۔دکانوں پر لگے سیل کے بورڈز صرف دکھاوا ہیں، کیونکہ سیل میں بھی مرغی کا گوشت سات سو روپے فی کلو ہی دستیاب ہے۔شہریوں کا کہنا ہے کہ مرغی کی بڑھتی ہوئی قیمتوں کی وجہ سے سردیوں میں یخنی بنانا بھی مشکل ہو گیا،مرغی فروشوں کی من مانی کو روکنے والا کوئی نہیں۔شہریوں نے مطالبہ کیا کہ مرغی کی قیمتوں میں کمی کی جائے، جبکہ مرغی فروشوں کا کہنا ہے کہ انہیں مال مہنگا مل رہا ہے، جس کی وجہ سے وہ سستے داموں فروخت نہیں کر سکتے۔