اسٹاک مارکیٹ بلند ترین سطح پر،سال کے پہلے دن تین ریکارڈ بناڈالے

لاہور ( اسلام ڈیجیٹل) پاکستان اسٹاک مارکیٹ میں زبردست تیزی ،انڈیکس ایک لاکھ 17 ہزار پوائنٹس کی سطح عبور کرگیا،نئے سال کے پہلے دون تین ریکارڈز بن گئے۔اسٹاک ایکسچینج نے سال نو کے پہلے دن ہی تاریخی سطح پر ٹریڈ ہونے کا ریکارڈ قائم کیا، 100 انڈیکس پہلی بار 2200 پوائنٹس اضافے سے 1 لاکھ 17 ہزار 341 پوائنٹس پرٹریڈ ہوا۔اسٹاک ایکسچینج کا اختتام پہلی بار 1 ہزار 881 پوائنٹس پلس ہوکر 1 لاکھ 17 ہزار کی حد پر ہوا،ا سٹاک ایکسچینج میں 461 کمپنیوں کی شیئرز میں ٹریڈنگ ریکارڈ ہوئی۔اسٹاک ایکسچینج میں 258 کمپنیوں کے شیئرز میں اضافہ اور 160 کمپنیوں کے شیئرز میں کمی ہوئی، اسٹاک ایکسچینج میں 95 کروڑ 62 لاکھ مالیت شیئرز کی ٹریڈنگ 46 ارب روپے سے زائد رہی۔انڈیکس کا ایک لاکھ 17 ہزار پوائنٹس کو عبور کرنا پی ایس ایکس کے ریکارڈ کی نئی بلند ترین سطح ہے۔