کراچی: شہر قائد میں گرمی کی شدت اگلے چند دنوں تک برقرار رہنے کا امکان ہے۔
یہ بھی پڑھیں: کراچی میں اموات بڑھ گئیں، ایک ہفتے میں 542 میتیں سرد خانے منتقل
محکمہ موسمیات کی جانب سے کراچی میں جزوی یا مکمل ہیٹ (شدید گرمی) آئندہ 2 سے 3 روز تک برقرار رہنےکی پیش گوئی کی گئی ہے۔ آج بھی شہر میں درجہ حرارت 41 ڈگری سینٹی گریڈ ریکارڈ ہوا جب کہ بدھ کو 39 اور جمعرات کو 40 ڈگری تک ریکارڈ ہو سکتا ہے۔
کراچی میں صبح کے وقت 80 فیصد اور شام کے وقت 60 فیصد نمی کے باعث موسم گرم و مرطوب رہے گا، جس کی وجہ سے شہر کے اصل درجہ حرارت سے زیادہ گرمی محسوس کی جاسکتی ہے۔
یہ خبر بھی پڑھیں: کراچی میں قیامت خیز گرمی کے دوران دو روز میں 25 افراد جاں بحق
دوسری جانب دیہی سندھ کے مختلف اضلاع میں پارہ 46 تا 48 ڈگری کے درمیان ریکارڈ ہوسکتا ہے۔
