کوئٹہ: گوادر میں فوجی قافلے پر حملے میں فوج کی جوابی کارروائی سے دو دہشت گرد مارے گئے اور تین زخمی ہوگئے۔
آئی ایس پی آر کے مطابق 13 اگست کو صبح 10 بجے دہشت گردوں نے ضلع گوادر میں فوجی قافلے پر حملہ کیا، دہشت گردوں نے کارروائی کے دوران چھوٹے ہتھیاروں اور دستی بموں کا استعمال کیا مگر موثر اور تیز ردعمل کے باعث دو دہشت گردوں کو جہنم واصل کر دیا گیا۔
آئی ایس پی آر کے مطابق کارروائی میں سیکیورٹی فورسز یا سول افراد کو کوئی نقصان نہیں پہنچا، پاکستان کی سیکیورٹی فورسز ملک میں امن اور خوشحالی کے دشمنوں کی کوششوں کو ناکام بنانے کے لیے پرعزم ہیں۔
