مدینہ منورہ میں آج سے نئی الیکٹرک بس سروس کا آغاز کردیا گیا جسے مسجد نبویﷺ کے زائرین اور دیگر مسافر استعمال کریں گے۔
سعودی پریس ایجنسی کے مطابق مدینہ ریجن کے گورنر اور ڈویلپمنٹ اتھارٹی کے چیئرمین شہزادہ فیصل بن سلمان نے الیکٹرک بس سروسز کا افتتاح کیا۔
سعودی میڈیا کے مطابق نئی الیکٹرک بسوں کو رہائشیوں اور زائرین کی آسانی کے لیے 4 اہم راستوں پر چلانے کا منصوبہ ہے۔
رپورٹس کے مطابق یہ بسیں ایک بار چارج کرنے کے بعد اپنے مخصوص ٹریک پر 250 کلومیٹر کا فاصلہ طے کرسکتی ہے۔
سعودی میڈیا کے مطابق الیکٹرک بس میں جدید ایئرکنڈیشنگ سسٹم، سفر کی تفصیلات دکھانے والی ڈسپلے اسکرینز اور خصوصی افراد کے لیے مخصوص نشستیں لگی ہوئی ہیں۔
