ٹک ٹاک کی امریکا میں نئے جوائنٹ وینچر سے متعلق ڈیل طے پا گئی۔
چینی کمپنی بائٹ ڈینس نے ٹک ٹاک کے 80 فیصد حصص امریکی کمپنیوں اوریکل، سلور لیک اور ایم جی ایکس کو منتقل کرنے کے معاہدے پر دستخط کر دیے ہیں۔ یہ معاہدہ امریکا میں ممکنہ پابندی سے بچنے کے لیے کیا گیا ہے۔
ٹک ٹاک کو امریکی قومی سلامتی کے لیے خطرہ قرار دیا جا رہا تھا، جس کے باعث اسے پابندی کا سامنا تھا۔ معاہدہ 22 جنوری 2026 تک مکمل ہونے کا امکان ہے۔
ڈیل مکمل ہونے کے بعد امریکی جوائنٹ وینچر ایک خودمختار ادارے کے طور پر کام کرے گا، جو امریکا میں ڈیٹا کے تحفظ، مواد کی نگرانی اور الگورتھم کی سکیورٹی کو کنٹرول کرے گا۔ معاہدے کے بعد اوریکل کے شیئرز میں 6 فیصد تک اضافہ دیکھا گیا۔
