متحدہ عرب امارات میں پیدائش کے صرف 6 دن بعد نومولود بچی کے دانت نکل آئے ۔
مہرا عبد الرحمن نامی بچی کے والد کے مطابق وہ یہ منظر دیکھ کربہت خوش اور حیران ہیں جب کہ ڈاکٹرز نے بھی اسے نایاب طبی کیس قرار دیا ہے۔
بچی کے والد نے کہا کہ مہرا کی صحت کی مکمل نگرانی کی جا رہی ہے اور ڈاکٹروں نے یقین دہانی کرائی ہے کہ بچی صحت مند ہے۔
ڈاکٹرز کے مطابق اس کو ’ولادی دانت‘ کہا جاتا ہے جو پیدائش کے فوراً بعد یا چند دنوں میں ظاہر ہوسکتے ہیں، یہ دانت بچے کی صحت کے لیے خطرناک نہیں ہوتے حالانکہ بعض اوقات یہ نایاب طبی مسائل سے بھی وابستہ ہو سکتی ہے۔
