مدینہ منورہ میں تعطیلات کے دوران اندرون اور بیرون ملک سے آنے والے زائرین کی تعداد میں بڑا اضافہ ریکارڈ کیا گیا، مرکزی علاقے میں زائرین کی تعداد سب سے زیادہ رہی۔ مدینہ ریجن میں آنے والے73.7 فیصد زائرین کا کہنا ہے کہ ان کی اولین منزل مدینہ منورہ کا مقدس شہر ہے۔
یہ بات مدینہ چیمبر آف کامرس کی جانب سے کیے گئے سروے میں سامنے آئی۔رپورٹ کے مطابق مدینہ منورہ عالمی سطح پر 100 بہترین مقامات میں شامل جبکہ ٹورآزم پرفارمنس انڈیکس میں عالمی سطح پر ساتویں نمبر پر ہے۔مدینہ چیمبر آف کامرس کے سروے کے مطابق مدینہ ریجن آنے والے73.7 فیصد زائرین نے اس خواہش کا اظہار کیا کہ ان کی اولین منزل مدینہ منورہ کا مقدس شہر ہے جہاں نبی آخر الزمان حضرت محمد صلی اللہ علیہ وآلہ وسلم کا روضہ اطہر، مسجد نبوی اور اسلامی تاریخی ورثہ موجود ہے۔
سروے کے مطابق ریجن آنے والے سیاحوں میں 47.2 فیصد نے العلا کے بارے میں بھی دلچسپی کا اظہار کیا جہاں تاریخی مقامات کے علاوہ ثقافتی سرگرمیوں کا بھی اہتمام ہوتا ہے۔
