انسٹنٹ میسجنگ ایپ واٹس ایپ نے ایپل واچ کے لیے اپنی ایپ کا نیا ورژن آزمائش کے طور پر متعارف کر دیا ہے۔
واٹس ایپ بیٹا انفو کے مطابق، اس ایپ کے ذریعے ایپل واچ صارفین واٹس ایپ چیٹ لسٹ میں موجود میسجز اور میڈیا براہِ راست دیکھ سکیں گے، نوٹیفکیشن کا انتظار کیے بغیر نیا پیغام بھیج سکیں گے، اور ایموجیز کے ذریعے میسجز پر ری ایکشن بھی دے سکیں گے۔
نئے ورژن میں صارفین آڈیو میسجز بھیجنے کے ساتھ ساتھ وائس اِن پٹ کے ذریعے پیغامات لکھوا بھی سکیں گے۔
تاہم اس فیچر کے استعمال کے لیے ضروری ہے کہ ایپل واچ واٹس ایپ انسٹال شدہ آئی فون سے منسلک ہو۔
ایپ کا یہ آزمائشی ورژن واٹس ایپ کے آئی او ایس بِیٹا ورژن **25.32.10.71** کو انسٹال کر کے حاصل کیا جا سکتا ہے۔
