میٹا نے پاکستان میں انسٹاگرام میپ کے آغاز کا اعلان کیا ہے، جو صارفین کو مواد دریافت کرنے اور دوستوں سے جڑنے کا ایک نیا اور انٹرایکٹو طریقہ فراہم کرتا ہے، جبکہ مضبوط پرائیویسی کنٹرولز بھی یقینی بناتا ہے۔
یہ فیچر صارفین کے ڈی ایم انباکس کے اوپر موجود ہوگا اور پاکستانی صارفین کو اپنی لوکیشن شیئر کرنے، کہانیاں، ریلز، پوسٹس اور نوٹسز کو لوکیشن ٹیگز کے ساتھ ایکسپلور کرنے کی سہولت دے گا۔ اس سے صارفین آسانی سے جان سکیں گے کہ ان کے دوست یا پسندیدہ تخلیق کار مقامی تقریبات، کیفے یا دیگر مقامات سے کیا شیئر کر رہے ہیں۔
صارفین کے پاس یہ اختیار بھی ہوگا کہ وہ اپنی آخری فعال لوکیشن صرف منتخب افراد، قریبی دوستوں یا بالکل کسی سے بھی شیئر نہ کریں۔ اس کے علاوہ، انسٹاگرام پر موجود کم عمر صارفین کے والدین کو بھی اپنے بچوں کی شیئرنگ ترجیحات دیکھنے اور منظم کرنے کی سہولت فراہم کی گئی ہے۔
میٹا نے اس نئے فیچر میں مزید بہتریاں بھی شامل کی ہیں، جن میں میپ کے مواد سے پروفائل تصاویر ہٹانا، لوکیشن بند ہونے کی صورت میں زیادہ واضح اشارے فراہم کرنا اور ٹیگ شدہ مواد کے ظاہر ہونے سے پہلے اس کی جھلک دکھانا شامل ہے۔
