نائب وزیراعظم و وزیر خارجہ سینیٹر اسحاق ڈارجمعہ کو پاک سعودی دفاعی معاہدے پر پارلیمنٹ کو اعتماد میں لیں گے۔اسحاق ڈار پارلیمنٹ کے دونوں ایوانوں کومعاہدے کی تفصیلات سے آگاہ کریں گے،امریکا کے عزہ سے متعلق بیس نکاتی ایجنڈے پر پاکستان کا موقف ارکان کے سامنے رکھیں گے۔
پیپلزپارٹی کے کچھ رہنمائوں نے پاک سعودی عرب دفاعی معاہدے کی تفصیلات کی فراہمی کا مطالبہ کیا تھا۔دوسری جانب دفترخارجہ کے ذرائع کا کہنا ہے کہ سعودی ولی عہدشہزادہ محمد بن سلمان رواں سال 31دسمبر سے قبل کسی بھی وقت پاکستان کا دورہ کریں گے۔
اس دورے کے دوران جہاں سعودی عرب کی طرف سے 5ارب ڈالر سرمایہ کاری کا اعلان متوقع ہے وہیں گزشتہ سال اکتوبر میں سرمایہ کاری معاہدے آگے بڑھنے اور ان پر کام شروع ہونے کی امید بھی ہے۔
