کابل:افغان وزیر خارجہ امیر متقی کا کہنا ہے کہ بگرام ایئر بیس تو دور کی بات ہم ایک انچ زمین بھی امریکا کو نہیں دیں گے۔
امریکی صدر کے بیان کے جواب میں امیر متقی نے کہا کہ ہم اپنی سرزمین پر کسی غیر ملکی فوج کو آنے کی اجازت نہیں دے سکتے، امریکا افغانستان کو تسلیم کرے تب بھی ایک انچ زمین امریکا کے حوالے نہیں کریں گے۔
قبل ازیں افغان حکومت کے نائب ترجمان حمد اللہ فطرت نے کہا کہ افغانستان کیلئے اپنی خودمختاری اور سرزمین اہم ہے، دو طرفہ مذاکرات میں امریکا پر واضح کردیا۔ دوحہ معاہدے میں طے ہوا تھا کہ امریکا دوبارہ ہمارے اندرونی معاملات میں مداخلت نہیں کرے گا۔
افغان ترجمان نے کہا کہ تمام ممالک سے متوازن معاشی مفاد پر مشتمل دوطرفہ تعلقات چاہتے ہیں۔ واشنگٹن کو ماضی کی ناکامیوں اور تجربوں کو دہرانے کے بجائے حقیقت پسندانہ رویہ اپنانا چاہیے۔
