امریکی صدر ڈونلڈ ٹرمپ نے 401 (کے) ریٹائرمنٹ پلان میں کرپٹو کرنسی میں سرمایہ کاری کی اجازت دینے والا ایگزیکٹیو آرڈر جاری کر دیا، جس کے بعد بٹ کوائن، ایتھریئم اور دیگر بڑی کرپٹو کرنسیز کی قیمتوں میں نمایاں اضافہ ریکارڈ کیا گیا۔ عالمی کرپٹو مارکیٹ کی مالیت میں بھی چار ٹریلین ڈالر کا ریکارڈ اضافہ ہوا۔
ایگزیکٹیو آرڈر کے بعد بٹ کوائن کی قیمت میں گزشتہ ہفتے کے مقابلے میں 5 فیصد سے زائد اضافہ ہوا، جبکہ ایتھریئم، سولانا اور ڈوج کوائن میں 10 فیصد سے زیادہ کا اضافہ دیکھا گیا۔ اس کے نتیجے میں بٹ کوائن کی قیمت جولائی کے وسط میں حاصل کی گئی بلند ترین سطح کے قریب، یعنی تقریباً 1 لاکھ 23 ہزار ڈالر تک پہنچ گئی۔
یہ فیصلہ دنیا کے چند بڑے ایسٹ منیجرز کی جانب سے کی گئی لابنگ کے بعد سامنے آیا، جس سے کرپٹو انڈسٹری کے لیے ریٹائرمنٹ فنڈز کی صورت میں 9 ٹریلین ڈالر کی نئی مارکیٹ کھل گئی ہے۔
