راولپنڈی/اسلام آباد :بلوچستان کے ضلع ڑوب میں سیکورٹی فورسز نے افغان سرحد سے دہشت گردوں کی دراندازی کی کوشش ناکام بنادی اور بڑی کارروائی کرتے ہوئے 33 بھارتی حمایت یافتہ خوارج کو ہلاک کردیا ۔اسلحے اور گولہ بارود کی بھاری کھیپ برآمد کرلی گئی۔صدر ،وزیر اعظم اور وزیر داخلہ نے کامیاب کارروائی پر فورسز کو خراج تحسین پیش کیا ہے ۔
پاک فوج کے شعبہ تعلقات عامہ ( آئی ایس پی آر) کے مطابق 7 اور 8 اگست کی درمیانی شب پاک افغان سرحد پر بڑی تعداد میں خوارج کی نقل وحرکت پکڑی گئی ۔آئی ایس پی آر کے مطابق بھارتی پراکسی فتنہ الخوارج کے دہشت گرد ضلع ڑوب کے علاقے سمبازہ سے پاکستان میں داخل ہونے کی کوشش کررہے تھے۔ سیکورٹی فورسز نے بروقت اور مو¿ثر کارروائی کرتے ہوئے دراندازی کی کوشش ناکام بنا دی۔
ترجمان پاک فوج نے بتایا کہ سیکورٹی فورسز کے جرات مندانہ اور مو¿ثر آپریشن کے نتیجے میں 33 بھارتی حمایت یافتہ خوارج مارے گئے ۔ مارے جانے والے دہشت گردوں کے قبضے سے بھاری مقدار میں اسلحہ، گولہ بارود اور بارودی مواد برآمد ہوا ہے۔آئی ایس پی آر کا کہنا ہے کہ علاقے میں کلیئرنس اور سینیٹائزیشن آپریشن جاری ہے تاکہ کسی بھی باقی ماندہ دہشت گرد کو بھی انجام تک پہنچایا جا سکے۔
دوسری جانبصدرِ مملکت آصف علی زرداری نے ڑوب میں 33 خوارج کو جہنم واصل کرنے پر پاک فوج کو خراجِ تحسین پیش کیا ہے۔صدرآصف زرداری نے کہا کہ پاک فوج کی جر ات، مہارت اور بروقت کارروائی قابلِ فخر ہے، پاکستانی سرزمین پر دراندازی کی ہر کوشش کا منہ توڑ جواب دیا جائے گا، پاکستان بھارتی سرپرستی میں ہونے والی دہشت گردی کا قلع قمع کرے گا۔
وزیراعظم شہباز شریف نے ڑوب میں کامیاب کارروائی پر سیکورٹی فورسز کو خراج تحسین پیش کرتے ہوئے کہا کہ سیکورٹی فورسز نے جان پر کھیل کر دہشت گردوں کی در اندازی ناکام بنائی، دہشت گردی کے خلاف جنگ میں پوری قوم سیکورٹی فورسز کے ساتھ ہے، ملک سے ہر قسم کی دہشت گردی کے مکمل خاتمے کیلئے پرعزم ہیں۔
وفاقی وزیرداخلہ محسن نقوی نے کہا کہ سیکورٹی فورسز نے فتنہ الہندوستان کے 33 دہشت گردوں کوجہنم واصل کیا، دہشت گردوں کو عبرتناک انجام تک پہنچا کر سیکورٹی فورسز نے بڑی کامیابی حاصل کی، فتنہ الہندوستان کے دہشت گردوں کا انجام عبرتناک موت ہے۔
