گزشتہ مالی سال ملکی برآمدات میں ایک ارب 36کروڑ 50لاکھ ڈالر کااضافہ ہوگیا۔دستاویز کے مطابق برآمدات کا حجم 4.45فیصد اضافے سے 32ارب ڈالر سے تجاوز کر گیا، ٹیکسٹائل کی برآمدات میں 7.39فیصد اضافہ، 17.88ارب ڈالر ریکارڈ کیا گیا،ریڈی میڈ گارمنٹس،خام کپاس،دھاگے، نیٹ ویئر، بیڈ ویئر، ٹاولز،خیموں کی ایکسپورٹ بڑھی۔
ادارہ شماریات کے مطابق غذائی اجناس کی برآمدات میں 3.44فیصد کمی،حجم 7.11ارب ڈالر رہا،چاول، پھل، سبزیوں،مصالحوں، گوشت کی ایکسپورٹس میں کمی آئی،چینی، مچھلی، تمباکو کی پیداوار میں اضافہ ہوا۔گزشتہ سال41کروڑ 10لاکھ ڈالرکی 7لاکھ 65ہزارٹن چینی برآمد کی گئی۔
دستاویزکے مطابق مینوفیکچرنگ آلات کی برآمدات 4.84فیصد اضافے سے 4.22ارب ڈالررہی، قالین، غالیچے، دستانے،فٹبال سمیت سپورٹس گڈزشامل ہیں،چمڑیکی مصنوعات کی برآمدات 4.87فیصد اضافے سے 57کروڑ 25لاکھ ڈالر رہی۔دستاویز کے مطابق لیدرگارمنٹس،گلوز،چمڑے کے جوتے برآمد کیے گئے۔
ادویات کی برآمدات 34فیصد اضافے سے 45کروڑ 74لاکھ ڈالر رہی،پیٹرولیم اور کوئلے کی برآمدات میں 44فیصد اضافہ، حجم 57.33کروڑ ڈالر رہا، سرجیکل آلات،پلاسٹک،سیمنٹ،جیولری اورربڑمصنوعات کی برآمدات میں بھی اضافہ ہوا،فرنیچر، الیکٹرک پنکھوں کی برآمدات میں کمی ریکارڈ کی گئی۔
