حالیہ دنوں سوشل میڈیا پر یہ بحثیں جاری ہیں کہ پاکستان پر امریکا کی جانب سے اسرائیل کو تسلیم کرنے کیلئے دباؤ ہے۔ اس حوالے سے امریکا میں پاکستان کے سفیر کی وضاحت آگئی ہے۔
واشنگٹن میں تعینات پاکستان کے سفیررضوان سعید شیخ نے کہا ہے کہ امریکا کی جانب سے اسرائیل کو تسلیم کرنے کا کوئی دباؤ نہیں۔
ڈیلس میں ایک تقریب سے خطاب میں انھوں نے کہا کہ اسرائیل سے متعلق ہماری پالیسی قائداعظم کے نظریات کے مطابق ہے۔
سفیر پاکستان رضوان سعید شیخ نے کہا کہ پاک امریکا تعلقات بہتری کی جانب گامزن ہیں، کرپٹو کرنسی میں سرمایہ کاری کے لیے پاکستان کے پاس بجلی وافر ہے۔
