مکہ مکرمہ :وادی منیٰ، عرفات اور مزدلفہ میں حجاج کے بیٹھنے کیلئے مختلف فاصلوں پر آرام گاہ بنائے جانے کا فیصلہ کیا گیا ہے۔
مکہ مکرمہ کے نائب گورنر شہزادہ سعود بن مشعل کو حج کی تیاری کے حوالے سے بریفنگ دی گئی۔
عرب ٹی وی کے مطابق دوران بریفنگ نائب گورنر مکہ مکرمہ شہزادہ سعود بن مشعل نے بتایا کہ وادی منی میں پیدل چلنے والوں کے لیے 50ہزار میٹرمربع راستے کو سایہ دار بنایاجا رہاہے۔
مزید برآں جبل الرحمہ میں 60ہزار مربع میٹر پر شیڈز اور پانی کے پھوار والے پنکھوں کی تنصیب جاری ہے۔
