کیلیفورنیا: اوپن اے آئی نے اپنے اے آئی پر واٹر مارک لگانے پر غور شروع کر دیا ہے۔
’چیٹ جی پی ٹی 4 او‘ کے لانچ کے بعد، ان تصاویر کی تخلیق میں نہ صرف اضافہ ہوا ہے بلکہ ان کے حقیقت پسندانہ اور دلکش انداز نے لاکھوں صارفین کی توجہ بھی حاصل کی ہے۔
بعض اوقات ان کی مقبولیت کے باعث اے آئی کی امیج جنریشن کی صلاحیت بھی عارضی طور پر متاثر ہوئی، تاہم، ان تصاویر کی بڑھتی ہوئی مقبولیت نے قانونی مسائل کو جنم دیا ہے، خاص طور پر کاپی رائٹ اور انٹیلیکچوئل پراپرٹی کے حوالے سے، اس حوالے سے پیدا ہونے والی مشکلات کے حل کے لیے اوپن اے آئی نے اپنےاے آئی پر واٹر مارک لگانے پر غور شروع کر دیا ہے۔
یہ انکشاف اے آئی محقق ٹیبر بلاہو نے کیا، جنہوں نے اے آئی کے کوڈ میں کچھ ایسی معلومات دریافت کیں جن سے پتہ چلا کہ واٹر مارک کی خصوصیت خاص طور پر ان صارفین کے لیے ہوگی جو فری اکاؤنٹ استعمال کر رہے ہیں۔
