کراچی:امیر جماعتِ اسلامی کراچی منعم ظفر نے مفتی منیب الرحمٰن سے ملاقات کی ۔
ملاقات میں 13 اپریل کو یکجہتی مارچ اور دیگر امور پر تبادلہ خیال کیا گیا۔ امیرجماعتِ اسلامی کراچی منعم ظفر نے کہا کہ آج بھی غزہ میں خون کی ہولی کھیلی جا رہی ہے، انسانی حقوق کی بات کرنے والوں کو جانوروں کے حقوق نظر آ جاتے ہیں مگر انسانوں کے حقوق نظر نہیں آتے۔
اس موقع پر مفتی منیب الرحمٰن کا کہنا ہے کہ اقوام متحدہ اور انسانی حقوق کے ادارے سو رہے ہیں، امت کا تصور کتابوں تک محدود ہو کر رہ گیا ۔
