اسلام آباد،کمپٹیشن کمیشن آف پاکستان (سی سی پی) نے چینی کی قیمتوں میں اضافے پر ممکنہ کارٹلائزیشن (”اجتماعی قیمتوں کے تعین”)کے خلاف سخت کارروائی کی وارننگ جاری کردی۔
کمیشن چینی کی قیمتوں میں اضافے کی روزانہ نگرانی کر رہا ہے اور کسی بھی غیر مسابقتی سرگرمی یا ممکنہ گٹھ جوڑ کی نشاندہی پر سخت قانونی کارروائی کی جائے گی۔2021ء میں شوگر ملز اور شوگر ملز ایسوسی ایشن پر 44 ارب روپے کا جرمانہ عائد کیا گیا تھا۔
شوگر ملز اور ایسوسی ایشن کی اپیل پر سندھ اور لاہور ہائی کورٹس نے حکم امتناع جاری کیا۔ 2009 ء میں بھی شوگر ملز کے گٹھ جوڑ کے شواہد سامنے آئے تھے۔کمیشن نے گنے کی امدادی قیمتوں کا نظام ختم کر کے مارکیٹ بیسڈ میکانزم متعارف کرانے کا مشورہ دیا ہے۔
حکومت چینی کی مارکیٹ میں مداخلت کم کرے اور قیمتوں کا تعین طلب و رسد کے اصولوں پر چھوڑا جائے۔کارٹلائزیشن کیسزمختلف عدالتوں میں چینی سیکٹر سے متعلق 127 مقدمات زیر التوا ہیں۔سپریم کورٹ میں 24، لاہور ہائی کورٹ میں 25، سندھ ہائی کورٹ میں 6 اور سی اے ٹی میں 72 کیسز زیر التوا ہیں۔
