لاہور : مسلم لیگ ن کے صدر نواز شریف سے معروف مذہبی سکالر ڈاکٹرذاکر نائیک نے ملاقات کی جس میں امت کو درپیش مسائل پر گفتگو کی گئی۔
ذرائع کے مطابق ڈاکٹر ذاکر نائیک نے جاتی امراء میں سابق وزیراعطم نواز شریف سے ملاقات کی۔ ڈاکٹر ذاکر نائیک نے رمضان کے دوسرے عشرے کی فضیلت پر خصوصی خطاب بھی کیا ۔ ملاقات کے دوران دونوں رہنمائوں نے موجودہ حالات میں امت کی بہتری کے لیے ممکنہ اقدامات پر بھی غور کیا۔
سابق وزیراعظم نواز شریف نے ڈاکٹر ذاکر نائیک کی عالمی سطح پر دینی خدمات کو سراہتے ہوئے کہا کہ وہ اسلام کی تبلیغ اور تفہیم میں نمایاں کردار ادا کر رہے ہیں۔ڈاکٹر ذاکر نائیک مختصر قیام کے بعد جاتی امراء سے واپس روانہ ہوگئے۔
