پشاور:خیبرپختونخوا حکومت عدالتوں میں11 ماہ کے دوران 3ہزار546کیس ہار گئی جبکہ ایک لا افسر نے آٹھ ماہ میں ایک بھی کیس کی پیروی نہیں کی۔
ا یڈووکیٹ جنرل آفس کی جاری کردہ رپورٹ میں انکشاف ہوا کہ صوبائی حکومت کو مقدمات سے نمٹنے کے لیے بیرونی وکلا پر کروڑوں روپے خرچ کرنا پڑے۔رپورٹ کے مطابق خیبرپختونخوا کے لا افسران 48ہزار964مقدمات میں پیش ہوئے جن میں سے 5ہزار798 کیس میں کامیابی حاصل کی جبکہ 3948 مقدمات عدالتوں نے خارج کر دیے۔
اسسٹنٹ ایڈووکیٹ جنرل 3ہزار77 کیسز کی پیروی کے ساتھ سب سے نمایاں رہے جبکہ واحد خاتون لا افسر نے 399 کیسز میں پیشی دی۔اس وقت صوبے میں 35,672 مقدمات زیرِ سماعت ہیں۔
