واشنگٹن:فنڈنگ بل منظور ہونے سے امریکی حکومت کے شٹ ڈائون کا خطرہ ٹل گیا۔
غیر ملکی میڈیا کے مطابق امریکی کانگریس کی جانب سے قلیل المدتی حکومتی اخراجات کا بل منظور کر لیا گیا۔ بل کی مخالفت میں 46اور حق میں 54ووٹ ڈالے گئے جس کے بعد بل کو حتمی دستخط کے لیے صدر ٹرمپ کو بھیج دیا گیا۔
امریکی سینیٹ نے جزوی حکومتی شٹ ڈاؤن سے گریز کرتے ہوئے ایک عارضی اخراجات کا بل منظور کیا۔ یہ اس وقت ہوا جب ڈیموکریٹس ارکان صدر ٹرمپ کے ساتھ اپنے تعطل سے پیچھے ہٹ گئے، جو وفاقی افرادی قوت کو کم کرنا چاہتے ہیں۔یہ بل وفاقی فنڈنگ کو زیادہ تر یکساں رکھتا ہے، تاہم اس میں کچھ تبدیلیاں کی گئیں جو ڈیموکریٹس کو پسند نہیں، جیسے کہ اخراجات میں 7بلین ڈالر کی کمی اور فوجی فنڈنگ میں 6بلین ڈالر کا اضافہ۔کافی بحث .کے بعد سینیٹ کے اعلیٰ ترین ڈیموکریٹ چک شومر نے ایک بل کے ساتھ آگے بڑھنے کا فیصلہ کیا۔
انہیں بل پسند نہیں تاہم ان کا کہنا تھا کہ امریکی حکومتی شٹ ڈاؤن اس سے بھی بدتر ہو گا۔ شمر کو تشویش تھی کہ صدر ٹرمپ اور ان کی ٹیم تیزی سے اخراجات میں کمی کر رہی ہے۔ڈیموکریٹس نے اس بل کے پیش ہونے پر ناراضگی کا اظہار کیا۔ کیونکہ اس سے تقریباً 7بلین ڈالر کے اخراجات میں کمی آئے گی۔
