کوئٹہ: کوئٹہ سے اندرون ملک کیلئے ٹرین سروس غیرمعینہ مدت کیلئے معطل کردی گئی۔
ریلوے حکام کے مطابق کوئٹہ سے اندرون ملک کے لیے ٹرین سروس ہفتہ کو چوتھے روز بھی معطل رہی۔ ضلع کچھی میں ریلوے ٹریک کی مرمت سیکورٹی کلیئرنس کے بعد ہوگی۔
دوسری جانب ڈویژنل سپرنٹنڈنٹ ریلویز کوئٹہ عمران حیات نے بتایا کہ کچھی میں پیروکنری کے قریب ٹریک کی مرمت کیلئے ابھی تک سیکورٹی کلیئرنس نہیں ملی، ہماری ٹیمیں مچھ اور مشکاف میں موجود ہیں، ٹریک کی مرمت کا کام سیکورٹی کلیئرنس کے بعد شروع ہوگا، پہلے جعفرایکسپریس کو ٹریک سے ہٹایا جائے گا پھر اس کی مرمت ہو گی۔
