ماسکو:روس اور سعودی عرب نے یوکرین کی صورتحال حل کرنے کے لیے اقدامات پر اتفاق کرلیا۔
روس کے صدر ولادی میر پیوٹن اور سعودی عرب کے ولی عہد شہزادہ محمد بن سلمان کے درمیان ٹیلیفونک رابطہ ہوا ہے۔ روسی میڈیا کے مطابق سعودی ولی عہد نے روس اور امریکا کے درمیان تعلقات معمول پر لانے کیلئے کردار ادا کرنے پر آمادگی ظاہر کی جس پر صدر پیوٹن نے ریاض کی جانب سے ثالثی کی کوشش کو سراہا۔
میڈیا سے بات کرتے ہوئے روس کے صدر نے کہا کہ وہ یوکرین سے جنگ بندی پر تیار ہیں مگر کچھ باریکیوں کا خیال رکھنا ہوگا۔ان کا کہنا تھا کہ یہ واضح نہیں کہ جنگ بندی کے احکامات کون دے گا اور اس کی قیمت کیا ادا کرنا ہوگی۔انہوں نے کہا کہ سوال یہ بھی ہے کہ کرسک علاقے میں موجود یوکرینی فوج ہتھیار ڈالے گی یا اس کی واپسی کیسے ہوگی۔
