ایف بی آر نے دسمبر میں تاریخ کا سب سے زیادہ ٹیکس جمع کر لیا

اسلام آباد:فیڈرل بورڈ آف ریونیو کے حکام نے بتایا ہے کہ ایف بی آر نے 30 جنوری تک 800 ارب روپے سے زیادہ ٹیکس جمع کر لیا ہے۔

جنوری 2025ء میں 956 ارب روپے کا ٹیکس ہدف مقرر ہے۔ 40 سے 50 ارب ممکنہ شارٹ فال سے پریشانی کی بات نہیں۔ رواں ماہ کے ٹیکس وصولی کے ہدف کے قریب پہنچ جائیں گے۔آئی ایم ایف ماہانہ نہیں، سہ ماہی بنیاد پر ٹیکس وصولی دیکھتا ہے۔

جنوری تا مارچ 3150 ارب روپے ٹیکس جمع کرنے کا ہدف ہے۔ مارچ میں معاشی سرگرمیوں میں تیزی آنے سے وصولی بہتر ہوگی۔ اعداد و شمار کی بنیاد پر رپورٹ میں بتایا گیا ہے کہ دسمبر 2024ء میں ایف بی آر نے تاریخ میں سب سے زیادہ میں1330 ارب روپے ٹیکس جمع کیا گیا، البتہ جولائی تا دسمبر 2024ـ25 ء ٹیکس ریونیو میں 384 ارب شارٹ فال رہا۔

حکام کے مطابق مالی سال کے پہلے 6ماہ میں 5624 ارب روپے ٹیکس اکھٹا کیا گیا جب کہ جولائی تا دسمبر 6 ہزار 8 ارب روپے ٹیکس وصولی کا ہدف مقرر تھا۔