کراچی(اسلام ڈیجیٹل)آئی جی سندھ پولیس غلام نبی میمن نے کہا ہے کہ چینی بھائیوں کی سیکورٹی پر کمپرومائز نہیں کرسکتے۔
پروگرام میں گفتگو کرتے ہوئے انہوںنے کہا کہ سندھ میں کسی چینی شہری سے بھتے کی کوئی شکایت رپورٹ نہیں ہوئی ہے۔ سیکورٹی خدشات کی وجہ سے چینی شہریوں کی آمد و رفت محدود ہے، غیر ملکیوں کی سیکورٹی کے حوالے سے قواعد و ضوابط (ایس او پیز) پر عمل درآمد پولیس پر لازم ہے۔
آئی جی سندھ نے مزید کہا کہ مقامی اسپانسرز کو بھی سیکورٹی کی وجہ سے پہلے جیسا رسپانس نہیں مل رہا، چینی شہریوں کی عدالتی چارہ جوئی کے حوالے سے مکمل چھان بین کر رہے ہیں۔
