راولپنڈی(اسلام ڈیجیٹل)پاک فضائیہ کا دستہ کثیرالملکی فضائی مشقوں کیلئے سعودی عرب پہنچ گیا، مشقیں کنگ عبدالعزیز ایئر بیس پر منعقد ہو رہی ہیں۔
آئی ایس پی آر کی جانب سے بیان میں کہا گیا ہے کہ فضائی دستے میںجے ایف 17 تھنڈر بلاک تھری طیاروں سمیت دیگر اثاثے شامل ہیں۔ اسپیئرزآف وکٹری 2025ء مشقیں کنگ عبدالعزیز ایئر بیس پر منعقد ہو رہی ہیں، مشقوں میں مختلف نوعیت کی جنگی صلاحیتوں کا مظاہرہ کیا جائے گا۔ترجمان نے بتایا کہ پاکستانی طیارے ایئر ٹو ایئر ری فیولنگ صلاحیت کیساتھ براہ راست سعودی عرب پہنچے۔
مشقوں میں سعودی عرب، بحرین، فرانس، یونان، قطر شرکت کریں گے جبکہ یو اے ای، برطانیہ اور امریکا بھی کثیر الملکی مشقوں میں شریک ہوں گے۔ جے ایف 17 تھنڈر بلاک تھری دیگر جدید لڑاکا طیاروں کے مد مقابل آئیں گے ، پاکستانی طیارے اے ای ایس اے ریڈار، بی وی آر میزائلوں سے لیس ہوں گے، سعودی شاہی فضائیہ پانچویں بار اسپیئرز آف وکٹری کی میزبانی کر رہی ہے۔
