دنیا کے آلودہ ترین شہروں کی فہرست میں کراچی آج کس نمبر پر ہے؟

کراچی: ایئر کوالٹی انڈیکس رپورٹ کے مطابق کراچی کی فضائوں میں آلودہ ذرات کی مقدار میں اضافے کے سبب اس کا ایئر کوالٹی انڈیکس 262ریکارڈ کیا گیا ہے۔اتوارکوآلودہ ترین شہروں میں ڈھاکا دوسرے،کابل تیسرے نمبر ، دہلی چوتھے اور کولکتہ کاآلودہ ترین شہروں میں پانچواں نمبررہا۔ہوائوں کی سمت تبدیل ہونے کے باعث کراچی میں ہوا کا معیار دنیا میں سب سے زیادہ ایئرکوالٹی انڈیکس خراب ریکارڈ کیا گیا۔عالمی ادارہ صحت کے مطابق فضائی آلودگی ہرسال 70لاکھ افراد کی موت کی وجہ بنتی ہے، آلودگی زیادہ ہونے سے دمہ جیسے مرض میں مبتلا افراد کو اپنا خاص خیال رکھنا چاہیے اورماسک کا استعمال لازمی کرنا چاہیے۔