پاکستان اوربنگلادیش کی تجارت،12سال بعد بڑی پیشرفت

ڈھاکہ :پاکستان کے تجارتی وفد نے 12 سال بعد بنگلادیش کا دورہ کیا جہاں دوطرفہ اقتصادی روابط اور سرمایہ کاری بڑھانے پر زور دیا گیا۔ایف پی سی سی آئی سے جاری بیان کے مطابق پاکستانی تجارتی وفد کا 12سال بعد بنگلادیش کا دورہ اور پاکستانی وفد نے دونوں برادر ممالک کے مابین اقتصادی روابط اور سرمایہ کاری بڑھانے پر زور دیا گیا۔
صدر ایف پی سی سی آئی عاطف اکرام شیخ نے کہا کہ یہ ایک نئے دور کا آغاز ہے، آزمائش کے ہر موقع پر بنگلا دیش کے ساتھ کھڑے ہوں گے، بنگلا دیشی وزیر تجارت نے پاکستان سے تجارتی تعلقات کو ترجیح دینے کا اعلان کیا ہے۔سینئر نائب صدر ایف پی سی سی آئی ثاقب فیاض مگوں نے کہا کہ بنگلا دیش کی جانب سے پاکستانیوں کے لیے ویزا شرائط میں نرمی کا خیر مقدم کرتے ہیں، پاکستانی بزنس کمیونٹی کو لانگ ٹرم ویزے دیے جائیں۔