اسلام آباد(مانیٹرنگ ڈیسک)پاکستان کا کمزور ترین پاسپورٹوں میں بدستور چوتھا نمبر ہے۔ حکومت نے معیشت کو سنبھالنے میں ایڑھی چوٹی کا زور لگا دیاہے جس سے ڈیفالٹ کا خطرہ تو نہیں رہا لیکن دوسری جانب پاکستانی پاسپورٹ طاقتور ترین پاسپورٹ کی فہرست میں سال 2025 کے آغاز پر بھی سب سے نیچے ممالک میں شمار کیا جارہاہے۔
ہینلے اینڈ پارٹنرز کی جانب سے جاری کی گئی رینکنگ کے مطابق دنیا کا سب سے طاقتور پاسپورٹ سنگا پور کا ہے جس کے شہریوں کو 195 ممالک میں ویزا فری رسائی حاصل ہے۔حالیہ رینکنگ کے مطابق بھارت کا پاسپورٹ فہرست میں 85 ویں جبکہ پاکستان کا 103 نمبر پر موجود ہے۔دوسرے نمبر پر جاپان ، تیسرے پر فن لینڈ ، فرانس ، جرمنی ، اٹلی، جنوبی کوریا اور سپین موجود ہیں۔چوتھے نمبر پرآسٹریا، ڈنمارک، لکسمبرگ ، نیدرلینڈ، ناروے ، سویڈن ہیں۔
:یہ بھی پڑھیے
بنگلادیش کی سابق وزیر اعظم شیخ حسینہ واجد کا پاسپورٹ منسوخ کر دیا گیا
پانچویں نمبر پر بیلجیئم ، نیوزی لینڈ، پرتگال، سویٹزرلینڈ برطانیہ ، چھٹے نمبر پر آسٹریلیا ، یونان ، ساتویں پر کینیڈا ، مالٹا، پولینڈ،آٹھویں پر جمہوریہ چیک ، ہنگری ، نویں پر ایستونیا، امریکا موجود ہیں۔ان کے علاوہ متحدہ عرب امارات دنیا کا دسواں طاقتور ترین پاسپورٹ قرار دیا گیاہے۔
طاقتور ور ترین پاسپورٹ کی فہرست میں روس اور ترکیہ 46 ویں ، جنوبی افریقہ 48 ویں ، کویت 50 ویں ، سعودی عرب 58 ویں ، چین 60 ویں ، بھارت 85 ویں ، بنگلہ دیش اور فلسطین 100 ویں، پاکستان 103 نمبر ہے۔سب سے آخر میں افغانستان 106 ویں پوزیشن پر موجود ہے۔
