واشنگٹن( اسلام ڈیجیٹل)گلگت بلتستان کو دنیا کے 25بہترین سیاحتی مقامات میں شامل کر لیا گیا ۔ امریکی نشریاتی ادارے کی تازہ رپورٹ کے مطابق گلگت بلتستان 2025 میں سیاحت کے لیے ضرور دیکھنے والی جگہوں میں سے ایک قرار دیا گیا ۔رپورٹ میںٹریول نے گلگت بلتستان کی کشش کو اجاگر کرتے ہوئے کہا کہ قراقرم پہاڑوں میں واقع گلگت بلتستان پہنچنا آسان نہیں ، فلائٹ شیڈولز غیر یقینی ہو سکتے ہیں اور سیزن کے دوران سڑکیں بند ہو سکتی ہیں لیکن اس خطے کے بلند پہاڑ کسی بھی قدرتی نظارے کے لیے بہترین ہیں۔گلگت بلتستان میں ہمالیہ کے پہاڑوں کی سیر سینٹرل پارک میں گھومنے جیسی ہے، گلگت بلتستان کے پہاڑوں کو دیکھ کر لیمن کیک کا گمان ہوتا ہے، کئی عالمی ٹریول کمپنیاں گلگت بلتستان کی سیر کرواتی ہیں، عالمی سیاحتی کمپنیاں گلگت بلتستان کو لٹل تبت کا نام دیتی ہیں، دنیا کی 14 بلند ترین چوٹیوں میں سے 5 گلگت بلتستان میں واقع ہیں جس میں کے ٹو بھی شامل ہے ،کے ٹو جو دنیا کی دوسری بلند ترین چوٹی ہے، اپنی مشکل اور خطرناک کوہ پیمائی کے حوالے سے پہلے نمبر پر ہے ۔
گلگت بلتستان کو دنیا کے 25بہترین سیاحتی مقامات میں شامل کر لیا گیا
