کہیں خوشی’ کہیں غم!سندھ میں سردیوں کی تعطیلات ختم، آزاد کشمیر میں توسیع کا اعلان

کراچی/ مظفرآباد(اسلام ڈیجیٹل)سندھ میں سردیوں کی تعطیلات ختم جبکہ آزاد کشمیر کے محکمہ تعلیم نے موسم سرما کی تعطیلات میں توسیع کا اعلان کردیا۔نجی ٹی وی کے مطابق محکمہ تعلیم نے آزاد کشمیر میں موسم اور سخت سردی کی صورت حال کے پیش نظر اسکولوں میں تعطیلات میں اضافے کا نوٹی فکیشن جاری کردیا۔نوٹی فکیشن کے مطابق موسم سرما کی تعطیلات میں 4 جنوری 2025 تک توسیع کی گئی ہے۔ جس کا اطلاق تمام سرکاری و نجی تعلیمی اداروں پر ہوگا۔دوسری جانب محکمہ تعلیم سندھ نے موسم سرما کی تعطیلات کے بعد تعلیمی ادارے دوبارہ کھلنے کے حوالے سے اعلان کردیا۔ترجمان محکمہ تعلیم کی جانب سے جاری بیان میں کہا گیا ہے کہ سندھ بھر کے تعلیمی ادارے کل معمول کے مطابق کھلیں گے۔محکمہ تعلیم سندھ کی جانب سے سندھ بھرکے تعلیمی اداروں میں 21 دسمبر سے 31 دسمبر تک تعطیلات کا اعلان کیا گیا تھا۔