انڈونیشیا میں آئی فون 16 سیریز کی فروخت پر پابندی عائد کر دی گئی ہے۔
انڈونیشین میڈیا کی رپورٹ کے مطابق آئی فون 16 سیریز کی فروخت پر پابندی حکومت نے ایپل کی جانب سے انڈونیشیا میں سرمایہ کاری کے وعدوں کو پورا نہ کرنے پر عائد کی ہے۔
رپورٹ میں بتایا گیا ہے کہ ایپل نے انڈونیشیا میں ریسرچ اینڈ ڈیولپمنٹ مراکز کے لیے 10 کروڑ ڈالرز سے زائد کی سرمایہ کاری کرنے کا وعدہ کیا تھا مگر ابھی تک کمپنی کی جانب سے صرف ساڑھے 9 کروڑ ڈالرز کی سرمایہ کاری کی گئی ہے۔
رپورٹ کے مطابق انڈونیشیا کی وزارتِ صنعت نے ایپل کمپنی کی ڈیوائسز کے آئی ایم ای آئی سرٹیفکیٹس کے اجراء کو بلاک کر دیا ہے۔
رپورٹ میں یہ بھی بتایا گیا ہے کہ انڈونیشین قوانین کے تحت غیر ملکی کمپنیوں کو وہاں کام کرنے کے لیے اپنی مصنوعات کی تیاری میں 40 فیصد مقامی مواد استعمال کرنا ہوتا ہے لہٰذا اگر کوئی غیر ملکی کمپنی انڈونیشیا میں کام کرنا چاہتی ہے تو اسے اپنی مصنوعات انڈونیشیا میں ہی تیار کرنا پڑتی ہیں اور وہاں اپنے ریسرچ اینڈ ڈیولپمنٹ سینٹرز قائم کرنے پڑتے ہیں۔
رپورٹ کے مطابق انڈونیشا نے ماضی میں بھی مقامی سطح پر مصنوعات کی مانگ بڑھانے کے لیے غیر ملکی کمپنیوں پر اس طرح کی پابندیاں عائد کی ہیں جس کے ملے جلے نتائج سامنے آئے۔
سائنس و ٹیکنالوجی سے مزید
چینی یونیورسٹی کا جدید ریسرچ سینٹر پاکستانی سائنسداں کے نام سے منسوب
چینی یونیورسٹی کا جدید ریسرچ سینٹر پاکستانی سائنسداں کے نام سے منسوب
چین کی ہونان یونیورسٹی آف میڈیسن (HNUM) نے اپنے نئے ریسرچ سینٹر کو پاکستانی سائنسداں ڈاکٹر محمد اقبال چوہدری کے نام سے منسوب کر دیا۔
صدی کے آخر تک زمین کے درجہ حرارت میں ہوشربا اضافہ ہو جائے گا، اقوامِ متحدہ کا انتباہ
صدی کے آخر تک زمین کے درجہ حرارت میں ہوشربا اضافہ ہو جائے گا، اقوامِ متحدہ کا انتباہ
زمین پر رونما ہوتی موسمیاتی تبدیلیوں پر قابو پانے کے لیے بڑے پیمانے پر اقدامات نہیں کیے گئے تو اس صدی کے اختتام تک زمین کے درجہ حرارت میں ہوشربا اضافہ ہوجائے گا۔
