بیجنگ: پاکستان انٹرنیشنل ایئر لائنز (پی آئی اے) نے طلباء کے عالمی دن کے موقع پر چین جانے والی پروازوں پر 80 کلو گرام سامان الاؤنس کے ساتھ طلباء کو 20 فیصد خصوصی رعایت کا اعلان کیا ہے ۔
سرکاری ذرائع نے ہفتہ کو بتایا کہ پی آئ اے فی الحال ہر اتوار کو اسلام آباد-بیجنگ-اسلام آباد روٹ پر ہفتہ وار پرواز چلا رہی ہے۔
ڈسکاؤنٹ پر خوشی کا اظہار کرتے ہوئے علی عمران نے کہا کہ پاکستانی طلباء کی ایک بڑی تعداد چین بھر میں زیر تعلیم ہے، اور وہ آئندہ موسم سرما کی تعطیلات کے دوران اس پیشکش سے فائدہ اٹھا سکتے ہیں۔
طلباء دونوں ممالک کے درمیان سفر کے دوران سامان الاؤنس میں اضافے کا بھی فائدہ اٹھا سکتے ہیں۔
ہفتوں کے ایندھن کے مسائل کے بعد، پاکستان انٹرنیشنل ایئر لائنز (پی آئی اے) کے ترجمان نے 6 نومبر کو کہا کہ پاکستان اسٹیٹ آئل (پی ایس او) کی جانب سے ایندھن کی سپلائی کی بحالی کے بعد قومی ایئرلائن کی پروازوں کا شیڈول مکمل طور پر بحال ہو گیا ہے۔
ترجمان نے ایک بیان میں کہا کہ آج کراچی، لاہور، اسلام آباد یا کسی اور ایئرپورٹ سے پی آئی اے کی ایک بھی پرواز منسوخ نہیں ہوئی۔ بیان میں مزید کہا گیا کہ تمام پروازیں وقت پر اور شیڈول کے مطابق ہیں۔
مالی بحران اور ایندھن کے بحران نے پی آئی اے کو تین ہفتوں میں 800 سے زائد پروازیں منسوخ کرنے پر مجبور کیا۔ پاکستان انٹرنیشنل ایئرلائنز (پی آئی اے) کو 10 ارب روپے کا نقصان ہوا۔
