اسٹاک ہوم: سویڈن میں قرآن پاک کی بے حرمتی کرنے والے ملعون سیلوان مومیکا کی آخرت تو برباد ہوئی سو ہوئی، دنیا میں بھی بدنامی اور بے عزتی مقدر بن گئی۔
یہ بھی پڑھیں : سویڈن میں ایک بار پھر قرآن پاک کی بےحرمتی؛ عراقی پرچم بھی جلایا گیا
سویڈن میں دو بار قرآن پاک کو جلانے کی ناپاک جسارت کرنے والے سیلوان مومیکا کی ایک ویڈیو سوشل میڈیا پر وائرل ہو رہی ہے جس میں ریسٹورینٹ کا مالک ملعون کو باہر نکال رہا ہے۔
ریسٹورینٹ کا مالک مسلمان نہیں بلکہ ایک عیسائی ہے لیکن وہ ملعون سیلوان مومیکا کو الہامی کتاب کی بے حرمتی کرنے پر اپنے ریسٹورینٹ میں جگہ دینے کو تیار نہیں۔
ویڈیو میں دیکھا جا سکتا ہے کہ ریسٹورینٹ کے مالک نے سیلوان مومیکا کو کھانے پینے کی کوئی بھی شے دینے سے انکار کردیا اور اسے باہر نکل جانے کا کہا اور سیلوان مومیکا کی ایک نہ سنی۔
ویڈیو سوشل میڈیا پر وائرل ہوئی تو صارفین نے ریسٹورینٹ کے مالک کے جذبے کی تعریف کرتے ہوئے لکھا کہ دوسروں کے مذہب کی توہین کرنے والے ایسے ہی سلوک کے مستحق ہیں۔
