لاہور: استحکام پاکستان پارٹی کے رہنما عون چوہدری نے تحریک انصاف پرپابندی کے لیے سپریم کورٹ سے رجوع کرلیا۔
سپریم کورٹ میں عون چوہدری کی جانب سے ذاتی حیثیت میں دائر درخواست میں موقف اختیار کیا گیا ہے کہ پی ٹی آئی کی سرگرمیاں خلاف قانون ہیں۔ پی ٹی آئی کی قیادت کی طرف سے قومی اداروں اور شہدا کی یادگاروں پرحملے لیے گئے۔
درخواست میں ریاست اور ملکی اداروں کیخلاف سرگرمیوں کی بنیاد پر پی ٹی آئی پر پابندی عائد کرنے کی استدعا کی گئی ہے۔ عون چوہدری الیکشن کمیشن میں بھی پیٹیشن دائر کریں گے۔
